Við lok náms á Námsbraut í skapandi ljósmyndun 1 taka nemendur áfanga sem nefnist Lokaverkefni. Þar er markmiðið að samþætta alla námsþætti námsbrautarinnar og að gefa nemendum tækifæri til þess að fara í gegnum ferlið frá hugmynd til fullbúins verks með eina af hugmyndum sínum.
Nemendur velja eitt af skilaverkefnum námsársins og fá aðstoð við að útfæra það til sýningar á Uppskeruhátíð. Það var Claudia Hausfeld sem vann með nemendum í áfanganum.
Lilja Birna Arnórsdóttir – Gnótt
Verkið mitt ber yfirskriftina Gnótt og er skírskotun í mikið magn, gnægð eða nægtir
Verkið er sprottið upp af þeirri tilfinningu að flytja til Íslands eftir margra ára búsetu erlendis og sameina tvær búslóðir á einum stað. Sú uppgötvun að sjá allt það sem hefur safnast saman og skrásetja það og gera raunverulegt hvað mikið dót er til.
Verkið er innsetning og samanstendur af myndum á vegg og myndbandi. sem sýnt er á tölvuskjá. Sýnir það skrásetningu þess sem kom upp úr kössunum.
/sr.