Listamaður vikunnar hefur pláss í skólahúsnæðinu til umráða í eina viku og nemendur hvattir til þess að sækja um og að nota tækifærið til að gera ýmiskonar tilraunir með útfærslu og framsetningu á verkunum sínum.
Verkefnavalið er fjölbreytt og nemendur sýna skilaverkefni úr áföngum námsins eða önnur verkefni sem þau eru að vinna að.
Listamaður vikunnar er Auður Lilja Arnþórsdóttir, nemandi á Námsbraut í skapandi ljósmyndun 1. Hún sýnir verkefni sem ekki er hluti af vinnu í tilteknum áfögnum náms heldur afrakstur eigin vinnu.
Vitinn – Auður Lilja
Það er miðvikudagssíðdegi í febrúar við Knarraróssvita. Hæglætisveður umturnast skyndilega þegar grimmúðlegur snjókomubakki kemur æðandi. Vitinn kveikir þá sitt öfluga leiðarljós og býður skjól.
Myndir urðu til ásamt einni hæku.
Stendur stoltur einn
Að steðjar válegt veður
Traustur lýsir leið
—————–
Alone stands solid
Storm clouds gather, fierce and dark
Loyal, lights the way
/sr.