Markmið áfangans er að nemendur hljóti frekari þjálfun í hvers konar skapandi myrkraherbergisvinnu og að þeim aukist sjálfstæði í vinnubrögðum við framköllun og vinnu í myrkraherbergi. Farið er í prentun á fíberpappír, stækkun og lagfæringar á handprentuðum ljósmyndum. Kenndar eru aðferðir við það hvernig handprentaðar myndir eru meðhöndlaðar, skornar, settar upp á karton, í ramma o.fl. en einnig hvernig slíkar ljósmyndir eru blettaðar og tónaðar. Nemendur læra ólíkar aðferðir við að ganga frá verkum sínum. Þeir eru kynntir fyrir notkun 4×5″ véla og möguleikunum sem í þeim felast.
Í lok áfangans eiga nemendur að hafa náð auknum tökum á að stækka svarthvítar ljósmyndir og að hafa unnið með fíberpappír. Eins eiga þeir að hafa fengið innsýn í hvernig unnt er að lagfæra handprentaðar ljósmyndir, kynnst ólíkum aðferðum við frágang og uppsetningu ljósmynda og notkun stórformatsvéla.
Fyrirlestrar, hóptímar, einkatímar, vinna undir handleiðslu: 16 stundir.
Eigin vinna: 32 stundir.
Námsmat: Verkefni og vinnubók.
Skyldulesefni:
- London, Barbara &Upton, John og fleiri: Photography. Pearson.
- Bartlett, Larry&Tarrant, Jon: Black&White: Photographic Printing Workshop. Silver Pixel Pr.
Ráðlagt lesefni:
- Adams, Ansel: The Negative: Ansel Adams Photography, Book 2. Ansel Adams.
- Adams, Ansel: The Print: Ansel Adams Photography, Book 3. Little Brown.
- Anchell, Steve: The Darkroom Cookbook, Focal Press.
- Anchell, Steve: The Film Developing Cookbook, Focal Press.
- Schaefer, John P.: The Ansel Adams Guide. Bacic Techniques of Photography, Book 1. Ansel Adams.