Listamaður vikunnar hefur hluta af vegg í skólahúsnæðinu til umráða í eina viku og getur birt þar verk sín. Nemendur eru hvattir til þess að nota tækifærið og gera ýmiskonar tilraunir með útfærslu og framsetningu á verkunum.
Listamaður vikunnar að þessu sinni er Grace Claiborn Barbörudóttir nemandi á Námsbraut í skapandi ljósmyndun 1.
Sýnir hún bókverkið Útlendingavaktin sem hún vann í vinnustofunni Samtímaljósmyndun undir handleiðslu Péturs Thomsen. Bókverkið varð til eftir að vinnustofunni lauk.
Í vinnustofunni Samtímaljósmyndun kynntust nemendur ýmsum hliðum samtímaljósmyndunar og fjölbreyttum möguleikum miðilsins í samtímanum en ljósmyndun hefur síðustu áratugi fest sig í sessi sem margháttaður listmiðill. Þar felast enda fjölmargir möguleikar til að spegla tilveruna í víðum skilningi; að takast á við samfélag, umhverfi, tilvist manneskjunnar og samspil þessara og fleiri þátta.
Grace segir um verkefnið:
Útlendingavaktin er bókverk sem byggir á myndum sem teknar eru leynilega á Útlendingastofnun og texta sem tekinn er beint af umsóknarblöðum embættisins um dvalarleyfi.
/sr.