Listamaður vikunnar hefur hluta af vegg í skólahúsnæðinu til umráða í eina viku og getur birt þar verk sín. Nemendur eru hvattir til þess að nota tækifærið og gera ýmiskonar tilraunir með útfærslu og framsetningu á verkunum.
Listamaður þessarar viku er María Ámanns nemandi á Námsbraut í skapandi ljósmyndun 1. Sýnir hún þar brot út verkefni sem hún vann í áfanganum Aðferðir við listsköpun undir handleiðslu Spessa. í áfanganum var markmiðið að beita aðferðum rannsóknarvinnu til undirbúnings verkefnum. Nemendum var skipt í hópa og fengu hóparnir úthlutað einu hverfi á höfuðborgarsvæðinu til þess að vinna með. Öll áttu hverfin það sameiginlegt að þar má finna einhveskonar samtal mismunandi tímabila og ólíkra hlutverka sem þau hafa haft, sum hverfin eru svo akkúrat á tímamótum og hlutverk þeirra að breytast. Hver nemendi vann einstaklingsverkefni þar sem hverfið, saga þess, nútíð og framtíð var lögð til grundvallar.


