Listamaður vikunnar hefur pláss í skólahúsnæðinu til umráða í eina viku og nemendur hvattir til þess að sækja um og að nota tækifærið til að gera ýmiskonar tilraunir með útfærslu og framsetningu á verkunum sínum.
Verkefnavalið er fjölbreytt og nemendur sýna skilaverkefni úr áföngum námsins eða önnur verkefni sem þau eru að vinna að.
Listamaður vikunnar er Telma Geirs., nemandi á Námsbraut í skapandi ljósmyndun 1. Hún sýnir verkefni sem ekki er hluti af vinnu í tilteknum áfögnum náms heldur afrakstur eigin vinnu.
Farþegasætið – Telma Geirs
Það eru forréttindi að fá alltaf að njóta útsýnisins. Ég get kannski ekki tekið þátt í að koma okkur á milli staða en ég tek myndir. Set á tónlist. Lýsi því sem ég sé.
Hestar!
Níu ár í Hollandi gerðu mig fjallasjúka. Stundum óska ég þess að ég gæti ferðast um Ísland í lest en þá er ekki hægt að taka myndir. Ég tek þær flestar á ferð. Út um gluggann.
Úr farþegasætinu.
Hámarkshraði 90 er fínn fyrir farþegasætisljósmyndara.
Spilunarlisti Telmu af Spotify:
/sr.