Samstarf Ljósmyndaskólans og fataverkefnis Rauða krossins – Kynusli.

Share on facebook
Share on twitter
Samstarf Ljósmyndaskólans og fataverkefnis Rauða krossins.

Hluti af námi nemenda á Námsbraut í skapandi ljósmyndun 1 við Ljósmyndaskólann er áfanginn Að lesa í og skapa ljós. Þar er unnið með eitt meginverkfæri ljósmyndarans ljósið. Nemendur læra þar að lesa í ljós og að beita því við myndatökur, að nota mismunandi ljósgjafa og  blanda saman ólíkum ljósgjöfum.

Áfanginn er í fjórum hlutum og er kenndur af tveimur kennurum auk gestafyrirlesara.

Það er í síðasta hluta áfangans sem nemendur vinna  undir handleiðslu ljósmyndara að þessu samstarfsverkefni með fataverkefni Rauða krossins.

Að þessu sinni leiðbeindi Saga Sig.  nemendum.

Verkefnið er hópaverkefni og felst í því að nota fatnað frá verslunum Rauða krossins í myndatökum, búa til áhugaverðar myndir sem vekja athygli á verkefninu og inntaki þess. Myndirnar eru svo notaðar á vegum Rauða krossins til að vekja athygli á verkefninu.

Með fataverkefni Rauða krossins er verið að gefa fötum nýtt líf, endurnýta, sporna við sóun og með því að stemma stigu við hnattrænni hlýnun.

Öll innkoma af sölu á notuðum fatnaði  í verslunum Rauða krossins fer til góðgerðarmála eða hjálparstarfs á vegum Rauða krossins.

Harpa Mjöll Þórsdóttir @harpathors, Heiðrún Fivelstad @heidrunfivelstad og Ella Jóns. unnu verkefni sem þær nefndu Kynusli.

KYNUSLI

Hugmyndin að baki myndaseríunni er a fólki megi klæða sig og vera eins og það vill, óháð

kyni, kynhneigð, aldri og öðrum breytum. Með seríunni viljum við brjóta upp normið hvað varðar

fatnað og tjáningu kynjanna. Einnig viljum við undirstrika mikilvægi þess að hafa gaman og að

leika sér með klæðaburð.

Módel

Álfgrímur Aðalsteinsson – @elfgrime

Clifford Rosa – @kliffroza

Guðlaug H. Ólafsdóttir

Sveinn Snær Kristjánsson – @sveinn.s

Tinna Hallgrímsdóttir

Makeup

Hera Rán Bjarkardóttir – @herabjarkarmakeup

Ljósmyndaskólinn
Opnunartími skrifstofu
Virka daga 09:00 – 16:00
Lokað er í júlí og á almennum frídögum
Gagnlegar upplýsingar