Samstarf Ljósmyndaskólans og fataverkefnis Rauða krossins – Náttúran skiptir máli – endurnýtum

Hluti af námi nemenda á Námsbraut í skapandi ljósmyndun 1 við Ljósmyndaskólann er áfanginn Að lesa í og skapa ljós. Þar er unnið með eitt meginverkfæri ljósmyndarans ljósið. Nemendur læra þar að lesa í ljós og að beita því við myndatökur, að nota mismunandi ljósgjafa og  blanda saman ólíkum ljósgjöfum.

Áfanginn er í fjórum hlutum og er kenndur af tveimur kennurum auk gestafyrirlesara.

Það er í síðasta hluta áfangans sem nemendur vinna  undir handleiðslu ljósmyndara að þessu samstarfsverkefni með fataverkefni Rauða krossins.

Að þessu sinni var  Yael BC.  leiðbeinandi nemenda í þessum hluta áfangans.

Verkefnið er hópaverkefni og felst í því að nota fatnað frá verslunum Rauða krossins í myndatökum, búa til áhugaverðar myndir sem vekja athygli á verkefninu og inntaki þess. Myndirnar eru í framhaldi notaðar á vegum Rauða krossins til að vekja athygli á verkefninu.

Með fataverkefni Rauða krossins er verið að gefa fötum nýtt líf, endurnýta, sporna við sóun og með því að stemma stigu við hnattrænni hlýnun.

Öll innkoma af sölu á notuðum fatnaði  í verslunum Rauða krossins fer til góðgerðarmála eða hjálparstarfs á vegum Rauða krossins.

Brynja Bærings Sindradóttir, Lilja Birna Arnórsdóttir og Karen Ketils unnu verkefni sem þær nefna 

Náttúran skiptir máli – endurnýtum.
Verkefnið er unnið út frá hugsunum um mikilvægi þess að tengjast náttúrunni á ný, fjarlægast neysluhyggjuna og kapítalismann og finna ró. Að minnka pressuna á að kaupa ný föt, að hvetja til þess að velja vel og að versla í hófi. 

Við völdum að mynda í náttúrunni og að ýta þar með undir tengingu við það sem verið er að vernda með því hvetja til þess að draga úr neyslu og að finna jarðtengingu.

Við fórum í vettfangsferð til að finna tökustað og enduðum með að velja staðsetningu við Kleifarvatn sem gaf okkur tækifæri á að taka myndir í fjölbreyttri náttúru. 

Á tökudag mættum við snemma á staðinn á fallegum en köldum vordegi. Tökur gengu mjög vel og allir tóku þátt.

Ljósmyndaskólinn
Opnunartími skrifstofu
Virka daga 09:00 – 16:00
Lokað er í júlí og á almennum frídögum
Gagnlegar upplýsingar
Önnur gögn
Jafnréttisstefna
Móttökuáætlun
Áætlun gegn einelti, ofbeldi og áreitni
Viðbrögð við vá
Rýmingaráætlun
Persónuverndarstefna