Sýning á útskriftarverkum nemenda Ljósmyndaskólans var haldin í Ljósmyndasafni Reykjavíkur, – Grófarsal. Stóð sýningin frá 16. desember 2022 til 8. janúar 2023.
Uppsetning á sýningu á útskriftarverkum nemenda markar lok náms þeirra við Ljósmyndaskólans en þau luku þar með 5 anna námi og útskifuðust með diplómu í skapandi ljósmyndun.
Kaffi, dulkóði, ísaumur og fangaklefi sem verður að myndavél, hvernig hægt er að flétta sögu úr minningum annarra, loftlagssorg, einelti, kvennaklefann og líkamstjáning var meðal umfjöllunarefna nemenda. Verkin endurspegla gróskuna í samtímaljósmyndun í dag og þá margvíslegu möguleika sem í ljósmyndamiðlinum felast.
Útskriftarnemenedur: Dagný Skúladóttir, Einar Óskar Sigurðsson, Guðný Maren Valsdóttir, Guðrún Sif Ólafsdóttir, Kristín Ásta Kristinsdóttir, Lovísa Fanney Árnadóttir, Sandra Björk Bjarnadóttir, Sóley Þorvaldsdóttir og Steinar Gíslason.
Sýningarstjóri: Katrín Elvarsdóttir
Myndir af sýningu tók Marinó Flóvent
