Sýning á útskriftarverkum nemenda Ljósmyndaskólans var haldin í Ljósmyndasafni Reykjavíkur, – Grófarsal. Stóð sýningin frá 13. desember 2024 til 5. janúar 2025.
Uppsetning á sýningu á útskriftarverkum nemenda markar lok náms þeirra við Ljósmyndaskólans. Nemendur ljúka þar með 5 anna listnámi og útskifast með diplómu í skapandi ljósmyndun.
Útskriftarverk þeirra fjögurra nemenda sem útskrifuðust að þessu sinni voru fjölbreytt enda viðfangsefni og aðferðir nemenda mismunandi. Í verkunum tókust útskriftarnemendurnir á við ólík málefni út frá ólíkum forsendum, mismunandi nálgun, listrænni sýn og fagurfræði. Þar var fjallaðu um fortíð og framtíð, unnið með fundið efni, leitast við að varpa ljósi á ólíkar upplifanir og að skapa rými til umhugsunar fyrir áhorfandann. Framsetningarmáti útskskriftarverka var nokkuð fjölbreyttur; ýmis prent á vegg en einnig vídeóverk. Einnig voru til sýnis bókverk nemenda útskriftarhópsins, sem unnin höfðu verið á meðan á námstíma stóð en þar mátti víða sjá vísi að því viðfangsefni sem viðkomandi tókst á við í lokaverkefni sínu.
Verkin á sýningunni endurspegluðu sannarlega gróskuna í samtímasljósmyndun og fjölbreytta möguleika sem í ljósmyndamiðlinum felast.
Útskriftarnemendur:
Ingunn Haraldsdóttir, María Ármanns, Sigríður Hermannsdóttir og Vala Agnes Oddsdóttir
.
Sýningarstjóri: Katrín Elvarsdóttir
Myndir af sýningu tók Kristín Ásta Kristinsdóttir
