Helgireitur
Verkið Helgireitur er innsetning sem samanstendur af ljósmyndum Viktors Steinars og ýmsum hlutum sem hafa með mismunandi hætti tilvísanir í persónulegt líf hans á ýmsum tímaskeiðum. Viktor setur þessa ólíku hluti fram á nokkurs konar altari og leitast með því að öðlast dýpri skilning á eigin sjálfi og tilvist í fortíð og nútíð en um leið að horfast í augu við sjálfan sig, ólíkar hliðar eigin persónu og að taka þær í sátt.
Áhorfandanum er treyst til að setja allt það sem birtist á altari Viktors í samhengi, að finna þráð, að búa til eigin útgáfu af sögunni og mögulega að finna einhverja samsvörun við eigin líf og reynslu. Áhorfandinn verður með þeim hætti þátttakandi í sköpun verksins og merkingu þess.
